Quen Somos
Somos unha cooperativa galega de traballo asociado sen ánimo de lucro de nova creación pero cunha traxectoria no campo da intervención socioeducativa dende o 2006.
Co foco posto nas persoas e as súas diferentes realidades, necesidades e relacións, o noso traballo céntrase na elaboración de proxectos socio educativos para a transformación social dende e para o botrato.
Coma o seu nome indica, as AtalaiAS son lugares ou estruturas elevadas que che permiten avistar territorios e xentes. Para nós, en lugar de vixía, as AtalaiAS somos nós mesmas e representan como observamos unha sociedade en continuo cambio, como pensamos noutras realidades, como aterramos os nosos soños e separámonos ás veces para ollar dende fora certas situacións; tamén representan como coidamos os lugares e xentes coas que camiñamos e baseamos o noso quefacer diario nunha mirada crítica das nosas vidas e a das persoas que acompañamos.
O Equipo
Como traballamos?
As nosas propostas e intervencións así como as nosas dinámicas internas, buscan contribuír ao cambio de ollada cara unha ética dos coidados e o botrato. Para iso partimos duns piares básicos, fundamentais para a transformación social:
Amigas ou aliadas
E moitas veces arroupándonos xunto a outras compañeiras para que os proxectos medren, e nós canda eles:
Arabías S.Coop. Galega, EspazoCoop, Rexenerando S. Coop. Galega, Naiara González Fontenla, Redeiras.net, Sexoloxía Atlántica, Aselafem (Asociación de Estudos Laborais Feministas), Mariola Ffotoeduca, Feitoría Verde, Outonía S.Coop.Galega, 50pés consultoras, Lingua Trabada, Conxenia, Fiadeiras Ceesg, Avezar, Bruno Lópes.
